søndag 25. februar 2018

På tide å få opp augene!...

Her kjem lesarinnlegget mitt som var i Sulaposten torsdag...

Eg klare ikkje få frå meg tanken på kva retning vi bevega oss i!...
På den eine sida skal vi vere så miljøbevisste og passe på naturen vår, ja vi vil bruke dyre skip som ligg i opplag til å reinse fjordane, kysten og havet for all plasten (det er jo veldig bra!) men, samtidig skal vi pøse på med drittvatn i ein smal fjord!

Høyrde på radioen for litt sidan at det no var snakk om kutt i turistskiptrafikken på grunn av kutt i utslipp av gråvatn…så her vil Norge tape ein god del inntekter pga utslepp, samtidig som vi sjølve skal forureine og øydelegge fjorden i staden for å få det ut til ope hav som trass alt har betre forutsetning for å ta imot og kunne handtere så store mengde avfall. Som den enkle sjela eg er så klare eg berre ikkje sjå logikken her!?
Om vi skal sleppe ut så mykje forureina vatn ved Kvasneset (eller Sunde om det blir kun for Sula) så vil det samtidig ikkje berre svekke Storfjorden, men i høg grad råke Hjørundfjorden som ligge med munninga open og klar til å verte svekka. Hjørundfjorden som eg (heil objektivt sett sjølvsagt :) ) ser på som verdas vakraste fjord!!
Har vi verkeleg samvittigheit til å starte rasseringa på Sunnmøres og kanskje Noregs flottaste stad?? 

No er det på tide at politikarane får opp augne og då må dei høyre på dei som bur her, og ein del har satt seg inn i dette å kan faktisk litt om det både fagleg og ufagleg. Slutt å høyr på ei solskinshistorie presentert av nokon som gjerne skulle ha fått på plass anlegget i går!! Det er ikkje enkelt å vere politikar når du får kun positive side ved eit anlegg, sluke orda som blir lagt fram for deg og dermed ta ukloke avgjerelsar på feil grunnlag.
Dette merka eg for to år sidan då eg gjekk frå hus til hus og stod på Spar Eidsnes for å få underskrifter. Der vart eg avfeid av fleire som meinte at silanlegget som først var planlagt og omtala som reinseanlegg var supert!! Prøvde å forklare at det var feil bruk av ordet reinsing, men eg snakka til døve øyrer den gang, men eg håpa og trur folk no har fått augne opp og trur dei no har innsett galskapen.

Eg vil også understreke noko forskar og marinbiolog Ketil Hylland kom med: «…det er viktig at det ikkje er miljøgifter i utsleppet, og at vassutskiftinga er tilstrekkjeleg relatert til utsleppet sitt voulm. Det kan og bør modellerast.» Akkurat det som er i vatnet som går i vasken og toalettet som medisinrestar, kjemikalier, vaskemiddel, antibiotika, og bakteriar vil gå ut i fjorden vår og sakte men sikkert bryte den ned og livet vil sakte dø. Ikkje minst i dagens samfunn når vi snakka om antibiotikaresistens så burde vi sjølvsagt få dette til havet over eit større område som har heilt andre muligheiter til å ta imot enn rett i matfatet våra.
Elles var eg sikkert frekk på informasjonsmøte då eg spurde om kven som tok notatar for eg såg ingen som gjorde det, og klok av skade frå to år tilbake så var det også sagt at dei tok det med tilbake, men ingen ting av det vi sa vart tatt omsyn til.
Så kom eg med eit spørsmål til for dei hadde vanska med å svare på det vi kom med… «ta notat, og send svar til Sulaposten slik vi får lese». Men, ikkje det heller hørte dei på og dermed har vi ikkje fått svar på spørsmåla våre.
Det eg i ettertid synes var «leit» er at vi fikk ei regle frå teknisk om at vi var både ufine og dei følte seg urettferdig behandla. Ærlig talt det er de i kommuna som kjem med slik informasjon og vil øydeleggje fjordområda og livskvaliteten til folk, då er det vel kanskje vi som skal føle oss både krenka og urettferdig behandla.
Eg har fortsatt eit skrikande ønske om at de i kommuna vil dele informasjon både om det permanente anlegget men ikkje minst det midlertidige som de planlegge på Sunde!! Her må de politikera ta omsyn til innbyggjerane og ikkje tenke krone og øyre, for å plassere ein plasthall med dritt i hagen til folk og rett framføre den vakraste utsikta av dei alle!? Jørn Agersborg sa at Sula bør kome med plana om anlegg, og bør kome med ei midlertidig løysing – det er forskjell på bør og skal så her kan de mulig forhandle med Fylkesmannen.
Etter snart 30 år med dritt rett i fjorden kva har nokre få år til å seie? Det er ikkje vår skuld at politikerane i Sula har vore så sløve i denne saka her! Ja å som eg har sagt så mange ganga før skjøna eg liksom ikkje kva som er best, å svømme mellom kammar og dasspapir eller svømme i dritten ingen ser!?
Når vi ser det veit vi at det er der og alt vi ikkje ser er faktisk meir skremmande!!
Vi må ta vare på naturen for dei som kjem etter oss...Vi kan ikkje redde Borgundfjorden med å forureinse ein ny fjord!! Det er ikkje berre å ta fram malingsrulla og pussa den opp om 20-30 år for så enkelt er det berre ikkje.
Eg håpa at alle er interessert at vi skal bevare fjordane våre og ta vare på det vi er så stolte av! Kva er vel grunnen for at vi bur her vi gjer? Trur ikkje det er pga alle dei herlige vindstille solskinsdagane!?
Å skulle berge fjorden og bygge nytt anlegg på ein betre eigna plass om 15-20 år kan ikkje vere lønsamt.
Personleg så drite eg faktisk i om anlegget kjem på Sunde eller Kvasnes for begge alternativa er like dårlig for skatten vi bur i og ikkje minst fjorden vår!! – Denne saka stinka det av, men de har fortsatt muligheit til å rette opp i den store feilen de mulig er med på å begå!!
Må beklaga eit rivande engasjement, men vi har berre ein natur…


Til slutt vil eg gi «politikera» ei opplysing…Det blir sagt at «vi» kan kome med innspel og spørsmål men det er så veldig viktig å forhalde seg sakleg. Så ser eg i diskusjon på facebook at det er nett dei som skrike om at vi skal vere så pertentleg som ikkje klare å vere det sjølv. Ein kan jaggu ikkje samanlikne ein stor plasthall som inneheld kloakk plassert rett ved hagen og husa til folk, med ein lastebil og eit til sals skilt!!...

Ønska alle ein kloakkfri dag!!
Klem -Anja-

3 år sidan...

...min 3`dje operasjon som vart utført på Ullevål i dag!...

Dette posta eg på instagram 1 år etter operasjonen på Ullevål som var for tre år sidan i dag...Smerter, tur, trening, meistring og ikkje minst det å lære seg å leve med kroniske store smerter!!...

Ein operasjon som eg håpte skulle prøve å få meg litt tilbake slik eg kunne nærme meg der eg var før første operasjon. Eg håpte den skulle "virke" betre enn den gjorde, men alt må nesten vere uprøvd slik situasjonen har blitt. 
Eg unna ingen å gå gjennom ein operasjon der du er lovd å skulle bli bra, ja sjølv når eg spurte om komplikasjonar så fikk eg til svar at det kun var snakk om at eg kunne blø ihjel om dei traff hovedpulsåra, men den sjansen var så liten at det skulle eg ikkje tenke på. At eg kunne bli så mykje vere i ryggen og ein nerveskada fot hadde eg aldri trudd skulle skje!!
Eg kan vere bitter når eg ser tilbake, og veffal på korleis dei på Ålesund sjukehus har takla det i etterkant, men eg kan ikkje gå å vere bitter i kvardagen for det hjelpe meg veldig lite. Eg må berre passe på å gjere øvingar, gå tura og klare det som eg har satt opp for i det heile halde meg oppegåande. Men i det siste har eg kjend på ein frustrasjon der smertene helde på å få overtaket og då må eg berre mobilisere og finne meg små delmål som gjer at eg får den lille energien eg treng for å gjennomføre tur og trening slik at eg er litt sterkare for kvar dag. Ikkje minst få små mål med opplevingar undervegs...eg har mykje som hjelpe meg å sjå positivt framover no i vår og eg gler meg!!

Litt mindre smerte skulle eg tenkt meg, litt mindre utmatta, og dei andre bivirkningane som kom etter operasjon 1!!...For å ikkje få sove skikkelig og nattesvette er utmattande i seg sjølv, ja og ganske utidig spør du meg ;) 
Dette bildet vart tatt ein dag motivasjonen for øvingar var heilt på botn...men ein tur på fjellet og øvingar der når eg var varm gjor at det vart litt denne dagen også ;)
Ikkje gi opp!...Uansett dag så klare du å gjere ein øvelse!!...
Ein må berre jobbe med seg sjølv slik at ein kan bli litt sterkare. Å sluntre unna ein dag no og då er ikkje bra!...

Det som forundra meg er at det fortsatt er nokon som operera med lovnad om at folk skal bli heilt bra!! At dei ikkje ser på kor alvorlig det kan bli om nokon ikkje er like heldig med slik skiveprotese operasjon...Det er ikkje utan grunn at ein del offentlege sjukehus har begynt å sei nei til slike operasjonar, det er ikkje fordi dei ikkje vil hjelpe deg, men dei skåna deg om du faktisk skal vere uheldig å få slike komplikasjonar så høyr kva dei beste i Norge sei og vere kritisk til inngrep...det kan faktisk redde livskvaliteten din!!

Husk...Livet er no og du må gjere det beste utav det, å starte treninga og bevegelse er vondt og det vil gjere vondt lenge, men i det lange løp gjer det deg godt og du blir sterkare!! Tren riktig indre muskulatur over tid og ver nøysam og du vil sjå at det vil bli betre!!

Tren litt kvar dag for det er den beste vegen til målet!!
Klem -Anja-

torsdag 15. februar 2018

Heilt klart!!

...Keesha er heilt klart drektig og har lagt seg godt ut allereie!!
Vi går berre spent å venta, ser fram og gler oss til valper som skal kome rundt 10. mars. Det er no bikka tre veker igjen til termin og det bruka å gå litt for fort.
 Keesha 5 veker og 1 dag drektig og vise allereie stor mage...
Tok bilde av ho fem veker og 1 dag drektig, og fleire bilde kjeme det av ho!!
Er så spent på kva som skjule seg inn i denne herlige hunden!!

Er du interessert i ein valp eventuelt kunne det vere ønskelig med valp, eller å ha eit samarbeide med oss om forvert ta gjerne kontakt med oss!!...
Klem -Anja-

onsdag 14. februar 2018

Kommunestyret Sula Kommune 14.02.2018

...Eg kom akkurat heim frå Kommunestyremøtet som var/er no i kveld. Ville vere der under spørsmålsrunda då det gjekk rykte om spørsmål ang kloakken skulle kome.

Starta med at Jan Magnar Sandvik stilte spørsmål på vegne av Miljøpartiet v/Håvard Lien.
Først var det spurd om kva reinsekrav Sula jobba med å få på dette anlegget då det kunne høyres ut til at Ålesund Kommune vil søke om primærreinsing og kva tenke Sula om det?
Fikk til svar at Sula jobba mot dei reinsekrava som dei har vedteke i sak 107/16(?) alternativ C - sekundærreinsing.
Det vanskelige her er at dei surra saman Kvasneset og Sunde slik at vi på ein måte skal miste tråden i det dei helde på med. Dei gløyme at skal dei gå for anlegg på Sunde så må dei gå gjennom vedtaket på nytt pga at vi har levert inn underskrifter på det og at vedataket er tatt på feil grunnlag!

Så kjem spørsmål om kvifor dei landa på Kvasneset?
Her svara ordføraren ein del svada og kjem med smålige svar om korleis dei har vurdert det...vart heilt satt ut og klare ikkje heilt gjengi det han mumla.

Som tredje punkt ville dei høyre om utgreiingane om straumningane i fjorden. 
Til svar kjem dei med at dei vil sjekke det sommaren 2018 etter eit eventuelt vedtak vert fatta!!
Ubegripelig og straumningsforhalda bør sjekkast over tid så kan ikkje forstå korleis dei kan gjere dette etter eit vedtak.

Så spør dei om kva som vil skje om dei ser at resipienten ikkje er så god som dei går ut ifrå no?
Dei  vil tilpasse renseprosessen om dei ser at resipienten er dårlegare enn først antatt.
Eg synes det er lavmål berre å uttale det for då snakka vi om store kostnader og vil tru det er heilt klart billigare å legge nåkken ekstra lengde med røyr til ope hav istadenfor ekstra reinsing, og påføre fjorden dette.

Sist ville dei høyre kva reaksjonar som vil kome frå Fylkesmannen.
Ved manglande framdrift er det snakk om sanksjonar, men kva sanksjonar veit dei ikkje, men det er snakk om kroner og det kan bli dyrt. Det skulle vore ferdig i 2015.
Men, her kan eg heller ikkje sjå det store problemet for det skjer noko og det er ikkje meininga å bruke det som ei sovepute, men kome fram til det aller beste alternativet! Når vi snakka om når tid det skulle vere på plass burde det vel vere allereie i 1995 vil eg tru!!

Elles kunne ordføraren tilføye at dei skal prøve å samle inn til nytt informasjonsmøte før kommunestyremøtet 22.03.21018 - der vil dei ta med ekspertise som kan svare på spørsmål.

Jan Magnar fulgte opp med eit spørsmål der han påpeika at det kanskje burde vere utredningar FØR avgjerelsar?
- Det foregår analyser også har dei rapporten til Jarle Molvær...Straumningane går x grader og dermed rett ut mot havet var den siste opplysninga om straumane ordføraren kunne kome med - ja eg lure på om det er flyfoto som har gitt han det eller om han har vore nede å svømt under vannflata?
JMS ville høyre om det dei pr i dag veit om målingar blir skriftleg lagt til i saka?
Det fekk han eit ja på...

Sulalista ved Olav Hoff kom også med spørsmål og noko var kanskje litt det han hadde fått svar på.
Men han har spørsmål til dette då det klart har kome skepsis ang å bygge anlegget på Kvasneset og dei store utsleppa til Storfjorden. Det er klart at det er spørsmål som ikkje er ferdig utreda.
Er dette miljømessig forsvarleg?
Er det alternativ til desse planane?
Kva med det tidligare anlegget på Molvær? Er dette vurdert - få røyr tilstrekkelig langt vest forbi Eltrane og ut mot ope hav?
Kan det ikkje vere fornuftig å legge dette til den staden som det er knytt flest personar til?
Olav Hoff kjem med så mange gode spørsmål som dei skulle gått grundig gjennom og vurdert så ser dei fort at han er på rett veg.
No snakka eg ikkje om at vi skal utbygge og forbetre det anlegget som ligg på Molvær for det kan sjølvsagt verte ei belastning for dei rundt så eg vil at dei utreda ut forbi Sandvika der det ikkje bur folk!!
Eg meina at spørsmåla her absolutt må gåast gjennom og vurderast på den beste måte!

Til svar kunne ordføraren kome med at straumningane er kartlagt av Statens Vegvesen - Moledata og rapport skal foreligge.
Om dei skal gå saman med Ålesund om eit fellesanlegg på Kvasneset så skal det kome fleire målingar, Sintef skal stå for dette.
Avløpsvatn skal ikkje nå strender eller vannoverflata...Då spør eg korleis dei kan sei dette når fagfolk har uttalt at dei pumpa ut vatnet på botnen så vil det stige til overflata når det får same temperatur som sjøvatnet?
Om anlegget på Molvær kan vere forsvarleg hadde han litt  sei om.
I 2012 var det å ta stilling til to anlegg eit på Sunde og eit på Molvær, men etter vedtaket fann administrasjonen ut at eit anlegg for heile Sula skulle vere tilstrekkelig for Sula Kommune. Kvifor dei gjekk for Sunde og ikkje Molvær var fordi Borgundfjorden var ein dårligare resipient.
Samtidig er det dumt å legge beslag på eit sentrumsnært område som kan nyttast til andre foremål.
Her haldt eg på å svelge tunga mi!! Eg måtte bruke all kraft og indre styrke for å klare å halde kjeft!! Men stille rista eg på hovudet og lurte på kva tanka dei kan ha og om at det ikkje er mulig med litt sunn fornuft!?
Det gjer meg så provosert at dei som står for det meste av dritten villig ønska å øydelegge fjorden istadefor å få dette ut til ope hav! Kvifor skal eit fåtal av innbyggjerane bli råka av dritten frå så mange? Det er greit så lenge det ikkje er i Langevåg?
Det må vel kunne tenke at ein bruka anlegget som står i dag som ein pumpestasjon for å få kloakken vidare ut mot eit større anlegg vest for Sandvika utanfor bebyggelse? 
Om det ikkje blir vedtak på eit samarbeid med Ålesund MÅ Sula gjennom nytt vedtak ang eit eige anlegg både med tanke på underskriftene men faktisk mest på eit vedtak som ikkje er slik det ført var sagt!!
Gale å legge beslag på eit område i Langevåg, men kva med å ta heile indrefileen av øya!?? Ikkje minst øydelegge fjorden for å folk i Langevåg skal bli skåna for å få "bakdelar" i nærområdet!? Eg blir provosert om det er slik ei kommune drivast på!!...

Beklaga litt rotete og alt for "engasjert" innlegg, men det her frustrera meg meir enn nokon mulig kan ane...Eg lure på korleis folk i det heile tatt kan stemme for dette, det er logisk tankegang at dette må ut mot havet og ikkje minst pumpe mest mulig av dritten kortast veg. Vi klare aldri å reinse 70% om kammaren til fru Norman skal pumpast frå Sandvika og inn på Kvasneset!!...
No må vi opne augene før katastrofa vert vedtatt!! Ver så snill som folkevald og politikar det er no du må bruke hovudet ditt!!
Ha ein engasjerande kveld!!
Klem -Anja-

Ta vare på fjordane - Saman er vi sterkare!!

Vi har ein fjord, ein natur og ein klode!! Det er vår plikt som menneske å ta vare på den på aller beste måte for oss sjølve og dei som kjem etter oss. 



Vi bevega oss i feil retning og sende ut så feil signal - ein dag er vi ein miljønasjon og i det neste skal vi ta eit felles rasseringsprosjekt!!
Storfjorden er ein lang og vaker fjord med fleire flotte sidefjordar og er vel ein av landets mest besøkte fjordar, ja du har vel høyrd om denne perla på Sunnmøre!?. 
Ikkje minst har vi "verdast vakraste fjord" Hjørundfjorden som ein sidefjord, som ligg med opninga ikkje langt frå den planlagte utsleppsstaden om det så blir Kvasnes eller Sunde. Avfallet blir mulig sugd inn i fjorden og vil langsamt drepe livet der...først vil vi mulig miste denne spektakulære og magiske fjorden før vi vil sjå at Storfjorden sakte men sikkert svekkast...Er det verkeleg dette vi vil!?
Eg kjenne veffal at eg skrike innvendig, hjarte får eit ekstra trykk og det kalde gyfset trenge gjennom heile kroppen!!...

Eg har no laga ei Facebookgruppe slik at vi alle kan stå saman mot den galskapen som er i ferd med å ramme oss som bur her på Indre Sula, men ikkje minst kva overgrep våre "folkevalde" vil begå ovanfor naturen vår.
Eg laga ei lukka gruppe slik at alle kan delta i diskusjonen og føle at terskelen til å delta blir mindre når ein veit kven som ser kva som blir "sagt". Eg håpa alle som er interessert i vår vakre natur og friluftsliv vil vere med å engasjere seg eller støtte oss litt.
Eg vil invitere medlemmar og det håpa eg også DU vil gjere, så legg deg sjølv til og prøv å engasjere deg. Litt usikker på korleis dei eg invitera blir lagt til, håpa at de må godkjenne slik at de ikkje blir lagt til mot di vilje!! Om du har blitt det så er det fult mulig å forlate gruppa...men husk at saman står vi sterkare!!


Dette framtidige anlegget vil sjølvsagt også få store konsekvensar for oss som bur i området, men vi kan eventuelt flytte på oss eller lære oss å leve med det, men kva val har naturen vår!?

Eg håpe at vi alle kan stå saman i denne saka!!...Vi kan alle hjelpe og trykke på for at vi skal få eit betre alternativ for naturen, fjorden og ein stad det ikkje berøre folk på ein slik måte.
Vår tid i denne saka er no så ver så snill la oss stå saman!! Vi er alle forskjellig, nokre er kanskje ikkje så veldig glade i kvarandre, men dette er ei sak som burde røre og engasjere oss alle...Så la oss legge all splid til side på denne Valentine dagen og vise vår kjærleik til naturen og fjorden vår



Ja, eg er i over gjennomsnittet engasjert i denne saka, men om eg skal verte sett på som ho derre lokale skrulla som elska fjorden så er det heilt innafor!!...Den rolla kan eg heilt greit både ta og bekle ;)

Tusen takk for at de tok deg tid å lese og ha ein dritfin dag!!
Klem -Anja-


lørdag 27. januar 2018

Det er med tungt hjarte...

Hjartet mitt!!...åååå det gjer vondt å skrive dette asså!
Men, klart finn eg ikkje "den rette heimen" så kan eg aldri klare å gi han frå meg...
...så det er verkeleg med tungt hjarte at eg no har bestemd meg for å sjå om eg kan finne den rette staden for "Bobby" - Kvasneset`s In Long Desember Night!!
Berre det å skrive det gjer beslutninga mi meir verkeleg, men eg veit at det er det beste både for han og meg.

Pga private endringar så ser eg at ting må endrast og spesielt då med tanke på Bobby...og det riv meg i hjarte å eventuelt ikkje skulle ha han rundt meg 24/7!!...
Men, eg må tenke på hundane og at dei får det dei skal ha kvar dag. Han får fortsatt det han skal ha, men eg ser framover på ting som skjer og endringane som kjem framover her og då er eg redd at han ikkje får det. Då må berre eg legge egoismen min til side og sjå om han kan få det hjå andre.
Eg ser etter ein fòrvert som kan samarbeide godt med oss og ikkje minst nokon med erfaring frå hund. Han er herlig å trene med, men han er ekstremt mammadalt og vore litt for lite sjølstendig dermed ikkje gått så vidt med tanke på søk. Dette er noko vi trent på ei stund og det ser meget lovande ut for no går han både vidare i søket og ikkje minst lengre frå meg på tur.
Eg legg ikkje krav om strukturert trening til konkurranseformål om du ikkje ønska dette sjølv, men at han får brukt hovudet  er viktig.



 Halvbrødrene Bobby og Joey...Joey er på fòr hjå gode vener og det fungera superfint!! Men, dei fekk han då han var valp og derfor ikkje vanskelig på nokon måte. Det er vondt å setje ut ein vaksen og spesielt ein med den personlegheita som Bobbyèn har...
 Han elska å få vere med på tur!...
 Her er Bobby saman med to søstre på Gaustadtoppen i fjor haust...
Vakre Bobby`en min på utstilling i juni 2017...

Vi har ein fin og liten hundefamilie i #teamkvasneset der nokre er meir aktiv enn andre, men vil du vere ilag med oss og kunne tenke deg å overta ein vaksen hund så er det her ei muligheit. 

Er du ein (einsleg eller familie) som er på utkikk etter ein fantastisk gogutt som elska kos og fine tura, nokon som har hatt hund og gjerne erfaring innan positiv hundetrening så er du velkomen til å ta kontakt med meg for å høyre meir!!

Om du trur du kan ha eit samarbeid med meg så kontakt meg gjerne på 90018619 eller anja@kvasneset.com :)
Klem -Anja-


torsdag 18. januar 2018

Ope møte om arbeid med nytt avlaupsrenseanlegg

I går var det nytt informasjonsmøte på Solevåg skule ang reinseanlegget.
Eg burde kanskje beklage framferda mi, men det vil eg ikkje...sorry, men dette er så dårlig behandla at dei faktisk må tåle at vi er så engasjert!!
Som eg sa i går vil eg igjen sei tusen takk til Joakim Sletta som turde å vere ærlig og sei at Langevåg/Eltrane eller Sulesund som stad for å få vatnet til ope hav ikkje har vore eit alternativ.


Veldig glad for at drittpraten vert tatt i det offentlege rom istaden for i det stille som det som oftast gjer ;)

På slutten av innlegget vil eg legge ved lenke til ein del innlegg ang kloakken i tillegg til brevet eg sendte til Fylkesmannen...

Det er så viktig at vi får dette anlegget på den beste plassen. Det at kommuna vil søkje om primærreinsing istadenfor sekundærreinsing gjer dette enda viktigare!!

Største forundringa mi fortsatt er at det ikkje ser ut til at teknisk ser poblemstillinga med å sleppe vatnet ut i ein fjord istadefor ut i ope hav!!...Dei skulle ta det med tilbake, men eg såg ingen noterte seg innspel før eg spurte kven som noterte!?
Dei sa akkurat det same for to år sidan, men dei gløyme fort og då er det greit med eit notat. Det vise seg i form av at innspela vi kom med i 2016 ikkje har vore med vidare i prosessen.


Om det ikkje blir eit prosjekt saman med Ålesund så har eg ikkje gløymd underskriftene eg samla for at kommunestyret måtte sjå på saka ein gang til!

Som eg har sagt så mange ganga før skjøna eg liksom ikkje kva som er best, å svømme mellom kammar og dasspapir eller svømme i dritten ingen ser!? Når vi ser det veit vi at det er der alt vi ikkje ser er faktisk meir skremmande!! 

Elles håpe eg at politikerane tek med seg rådet om å dele informasjon på eit langt tidligare tidspunkt i seinare sake!!

Men, etter fleire møte og telefonar har eg fortsatt ikkje fått eit svar på kvifor ikkje Langevåg og ut mot ope hav har vore vurdert. Dei fleste spørsmåla mine blir besvart med "Kan du høyre kva eg sei!?" Ja eg høyre men det gjer nok ikkje dei...
At dei ikkje ser forskjellen på ein fjellhall med naboar på Kvasnes eller eit ope anlegg ut forbi Sandvika utan naboar er utrulig i seg sjølv. Å når vi igjen nemne å få det i ope hav og ikkje inn i fjorden - ja det er kanskje litt meir forståelig at dei ikkje skjønna det siste då dei ikkje forsto innspelet til min far om at dei skulle slutte å kalle Storfjorden for havet. Eg synest vi kan forvente at dei bør vite forskjellen på ein fjord og eit hav?

Som avslutning i går la eg merke til kva Jørn Agersborg sa: Sula bør kome med plana om anlegg og bør kome med ei midlertidig løysing.
Eg streka under bør for det er forskjell på bør og skal!! 


Eg vil igjen få sei det eg avslutta med i går og eg håpe vi alle kan ta lærdom av denne saka her. Vi må prøve å stå samla om det som er det beste for innbyggjerane og naturen vår. 
Det som ofte skjer er at vi hyle når noko ramma oss og elles er vi stille. Om vi står saman og tenkje høgt kan vi kome med mange gode forslag som kan gjere ting betre for alle, og det utan at det kosta så mykje meir enn litt tid og engasjement.
Kan eg i det høve få spørre om hjelp til å få den midlertidige plasthallen vekk frå husa til oss som bur rett ved ferja på Sunde!?
Om vi veffal får den 100-200 meter lenger inn slik at den blir skjult inn mellom skogen som er der då vil den ikkje vere til så stor sjenanse for nokon.
Eg har "skreke" i denne saka lenge og då ville ikkje eg sett dette anlegget, og eg vil heller ikkje bli direkte råka om det blir plassert på Kvasnes. Det er fjorden VÅR som får støyten og det gjer den fortsatt om det midlertidige anlegget som først var sagt skulle stå i 2-3 år, men i går var oppe i 6 år!! 6 år med ein plasthall med dritt i hagen!!...Ja, då ropa eg fortsatt høgt men då er det også av egoistiske grunna ;)

Vi må ta vare på naturen for dei som kjem etter oss...Vi kan ikkje redde Borgundfjorden med å forureinse ein ny fjord!! Det er ikkje berre å ta fram malingsrulla og pussa den opp om 20-30 år for så enkelt er det berre ikkje.

Eg drite faktisk i om anlegget kjem på Sunde eller Kvasnes for begge alternativa er like dårlig for skatten vi bur i og ikkje minst fjorden vår!!
Eikrem var også nemd i går, men husk at det er fortsatt Storfjorden som blir mottakar.

Eg spurte om administrasjonen kunne svare på ein del av spørsmåla og få dei ut i Sulaposten neste torsdag!? Håpe dei høyrde etter og kjem med tilbakemeldingar til oss...

Litt må eg beklage likevel om eg var ufin...stort sett lika eg å vere positiv og blid, men eg satt nok på meg den morske, ivrige, engasjerte og litt forbanna maska i går...
Men mitt ønskje er berre at vi fortsatt får ha ein fantastisk fin og blå fjord!!
Klem -Anja-

Mitt brev til Fylkesmannen 05.12.2017


Formannskapsmøte mars 2016

Her er eit lite notat eg fann frå mars 2016 då var eg skuffa over tankegangen til folk...
Eg stille meg undrande til at eit par naboar her inne på Sunde(vil ikkje nemne namn) kan uttale at det blir utslipp av reinsa kloakk og at dette anlegget vil ha betre standard enn Åse!? Kvar har de slik opplysningar frå? Då det er tatt utgangspunkt frå at det skal vere eit silanlegg som har fått eit litt finere namn med administrasjon og politikerane.

Eg syns det er trist og leit at de ikkje ser missbruket av ei sånn fantastisk tomt, og er det berre for eiga vinnings skuld at de ønskjer veg til tomter er det litt trist. Brauta og Svensken vil ikkje bli stengd for det bur folk som har behov for å nytte seg av vegen...

På tide å få opp augene!...

Her kjem lesarinnlegget mitt som var i Sulaposten torsdag... Eg klare ikkje få frå meg tanken på kva retning vi bevega oss i!... På d...